"Galatasaroy" Rossiya klubi futbolchisiga 20 million evrolik taklif yubordi

"Galatasaroy" "Zenit" bilan yarim himoyachi Vendelning transferi borasida muzokara olib bormoqda, deb xabar beradi UOL nashri.

Manbaga ko'ra, o'tgan hafta turk klubi 20 million evro va bonuslar miqdorida rasmiy taklif yuborgan.

Rossiya chempioni braziliyalik futbolchi uchun ko'proq pul olishni kutishmoqda, muzokaralar davom etmoqda.

26 yoshli Vendel 2020 yildan beri "Zenit"da o'ynab kelmoqda. Peterburgliklar safida 124 ta o'yin o'tkazib, 20 ta gol urgan va 25 ta golli uzatmani amalga oshirgan. Futbolchining shartnomasi 2027 yilning yozida yakuniga etadi.