"Al-Ittihod" "Aston Villa" futbolchisi uchun 60 million evro sarflashga tayyor

"Al-Ittihod" "Aston Villa" vingeri Mussa Diabi uchun 60 million evro sarflashga tayyor, deya xabar beradi jurnalist Janluiji Longari.

Saudiya klubi 25 yoshli frantsiyalik futbolchi bilan shaxsiy shartlar bo'yicha allaqachon kelishuvga erishgan.

Eslatib o'tamiz, hujumchi Unai Emeri jamoasiga atigi bir yil avval "Bayer"dan 55 million evro evaziga o'tgan edi.

Mussa debyut mavsumida 53 o'yinda 10 ta gol urdi va 9 ta golli uzatmani amalga oshirdi.

Agar transfer amalga oshsa, u hamyurtlari N'Golo Kante va Karim Benzema bilan birga o'ynaydi. Qolaversa, jamoani Loran Blan boshqarishi mumkin.