"Nyukasl" "Milan"ning transfer maqsadiga g'ov bo'lmoqchi

"Red Bull Zaltsburg"ning markaziy himoyachisi Straxinya Pavlovich ikki xorij klubining qiziqishlari doirasida turibdi.

Calciomercato nashri xabariga ko'ra, 23 yoshli serbiyalik futbolchini Italiyaning "Milan" va Angliyaning "Nyukasl" klublari o'z safiga qo'shib olmoqchi. Hozircha qaysi jamoa markaziy himoyachini qo'lga kiritish uchun favorit sanalishi ma'lum emas.

Pavlovich Serbiya terma jamoasida 38 ta o'yin o'tkazib, 4 ta gol urishga muvaffaq bo'ldi. Transfermarkt futbolchining bozor narxini 25 million evroga baholamoqda. Pavlovich Evro-2024da Serbiyaning asosiy markaziy himoyachisi bo'ldi.