"Real" o'z hujumchisini "Manchester Siti" futbolchisiga almashtirishi mumkin

Madridning "Real" klubi frantsiyalik Kilian Mbappe bilan shartnoma imzolagandan so'ng, braziliyalik hujumchi Rodrigo bilan xayrlashishi mumkin.

Todofichajes nashri xabariga ko'ra, hujumchining xizmatlariga "Manchester Siti" qiziqish bildirmoqda. "Real Madrid" o'z navbatida yangi markaziy hujumchi qidirmoqda. Huquqlari "shaharliklar"ga tegishli bo'lgan argentinalik Xulian Alvares "Los-Blankos" e'tiboriga tushdi.

Klublar joriy transfer oynasi vaqtida o'yinchilar almashinuvini tashkil qilishlari mumkin. Rodrigoning transfer narxi 110 million evroga baholangan, Alvaresning narxi esa 90 million.