Romano "Bavariya" va "MYu"ning de Ligt borasidagi muzokaralar haqida ma'lumot berdi

Himoyachi Matteys de Ligt yozgi transfer oynasida "Bavariya"ni "Manchester Yunayted"ga almashtirishi mumkin.

Klublar o'rtasidagi muzokaralar davom etmoqda va insayder Fabritsio Romano ijtimoiy tarmoqlarda tomonlar kelishuvga yaqin ekanini yozdi.

Qayd etilishicha, "Bavariya" 24 yoshli de Ligt transferi uchun 50 million evro olmoqchi. "Manchester Yunayted" taklifni bonusli to'lovlarni o'z ichiga olgan holda tuzmoqchi. Shu bilan birga, "qizil iblislar" bu masalani imkon qadar tezroq yopmoqchi. Aytish joizki, Matteys de Ligt avvalroq "Manchester Yunayted" ustozi Erik ten Xag bilan "Ayaks"da birga ishlagan.