"Arsenal" o'z himoyachisi bo'yicha yakuniy qarorga keldi

Londonning “Arsenal” klubi himoyachi Yakub Kivior borasida bir qarorga keldi.

Daily Mail nashri ma'lumotlariga ko'ra, "kanonirlar" agar foydali taklif tushsa, ushbu transfer oynasida polshalik futbolchini sotishga tayyor. Eslatib o'tamiz, yaqinda Kiviorga Turinning “Yuventus” klubi qiziqish bildirgandi.

"Keksa sinora" bosh murabbiyi Tyago Motta avvalroq polshalik futbolchi bilan "Spetsiya"da ishlagan va o'zining sobiq tarbiyalanuvchisi bilan birlashishga tayyor.

O'tgan mavsumning ikkinchi yarmida Kivior tez-tez "Arsenal"ning asosiy tarkibida maydonga tushdi va jamoaga Premer-liga chempionligi uchun oxirigacha kurashishda yordam berdi. Eslatib o'tamiz, oltin medallar yakunda “Manchester Siti”ga nasib etdi.