Dzanolo Italiyaga etib keldi

"Galatasaroy"ning italiyalik futbolchisi Nikolo Dzanolo "Atalanta"ga o'tishini yakunlash uchun vataniga etib keldi.

Jurnalist Janluka Di Martsio o'zining ijtimoiy tarmoqlarida xabar berishicha, 25 yoshli futbolchi Bergamo klubiga o'tishdan oldin tibbiy ko'rikdan o'tish uchun Milanga etib keldi.

Avvalroq, "Atalanta" Dzanoloni ijaraga olgani haqida xabarlar tarqalgan edi.
O'tgan mavsumda Dzanolo "Aston Villa"da ijara asosida o'ynagan va klub safida 25ta o'yinda maydonga tushib, ikki bor gol urgan.

Futbolchining "Galatasaroy" bilan shartnomasi 2027 yilning yoziga qadar amal qiladi va yarim himoyachining transfer narxi 20 million evroga baholanmoqda.