Tez orada Palinya "Bavariya" futbolchisiga aylanadi

Tez orada yarim himoyachi Joau Palinya "Bavariya" futbolchisiga aylanadi. Klublar o'rtasidagi kelishuv yakuniy bosqichda ekanligi haqida matbuotda ma'lumotlar paydo bo'ldi.

Sky Sports nashri xabariga ko'ra, Palinyaning transferi "Fulxem" uchun rekord natija bo'ladi. London klubi hech qachon futbolchilarni bunchalik qimmatga sotmagan. Bitimning umumiy summasi 56 million evroni tashkil qiladi. Ulardan "Bavariya" kafolatlangan 51 millionni to'laydi, yana 5 millioni esa bonus sifatida to'laydi.

Hozirda 28 yoshli Joau Palinya Portugaliya terma jamoasi bilan Evropa chempionatida ishtirok etmoqda. Jamoa Frantsiyaga qarshi chorak finalga tayyorgarlik ko'rmoqda.