Ukrainalik futbolchining "Atletiko"ga o'tishi barbod bo'ldi

"Jirona" klubining ukrainalik hujumchisi Artem Dovbik yozgi transfer oynasida klubini o'zgartirishi mumkin.

26 yoshli futbolchining xizmatlariga Madridning “Atletiko” klubi faol qiziqish bildirgan.

El Gol Digital nashri ma'lumotlariga ko'ra, Dovbikning "matraschilar" safiga o'tishi muvaffaqiyatsiz tugadi.

Bunga sabab "Atletiko" "Jirona"ga 40 million evro to'lashga tayyor emasligi, kataloniyaliklar esa futbolchini arzonroq sotish niyatida emasligi bo'lgan.

Eslatib o'tamiz, o'tgan mavsumda Dovbik 24 ta gol urib, La Liganing 2023/24 yilgi mavsumining eng yaxshi to'purari bo'lgandi.