Mourino o'z jamoasiga "Liverpul" hujumchisini olib kelmoqchi

Turkiyaning "Fenerbaxche" klubi o'z safiga Angliya Premer-ligasidan hujumchi taklif qilmoqchi.

Ajansspor nashri xabariga ko'ra, Joze Mourino jamoasi o'z safini "Liverpul"dan Darvin Nunes bilan kuchaytirmoqchi.

Eslatib o'tamiz, urugvaylik forvard "Liverpul"dagi dastlabki ikki mavsumdagi o'yinlari uchun tanqidga uchragan, lekin uning so'nggi mavsumdagi statistikasini muvaffaqiyatsiz deb bo'lmaydi.

25 yoshli Darvin Premer-liganing 36 uchrashuvida 11 gol va 8 golga assistentlik qilgan. Ikki yil avval "Liverpul" Nunes uchun "Benfika"ga 80 million evro to'lagan edi. Britaniyaliklar urugvaylik futbolchini ushbu transfer oynasida qo'yib yuborishlari dargumon.