Sent-Maksimen Evropaga qaytishi mumkin

"Al-Ahli" vingeri Allan Sent-Maksimen tez orada Evropa futboliga qaytishi mumkin.

Frantsiyalik futbolchi o'tgan yozda "Nyukasl"ni tark etib, Saudiya Arabistoniga ko'chib o'tgandi. Insayder Rudi Galettining so'zlariga ko'ra, Joze Mourin boshchiligidagi Turkiyaning "Fenerbaxche" klubi qiziqmoqda.

Allan Sent-Maksimen Saudiya Arabistoni chempionatining 30 ta uchrashuvida 4 ta gol urdi va 10 ta golli uzatmani amalga oshirdi. 27 yoshli futbolchining "Al-Ahli" bilan shartnomasi 2026 yilning o'rtalariga qadar mo'ljallangan.

Transfermarkt portalining xabariga ko'ra, vingerning hozirgi narxi 18 million evro.