«Arsenal» Keylor Navas uchun «Real»ga 13 mln evro taklif qildi

Londonning "Arsenal" klubi qishki transfer paytida "Real" darvozaboni Keylor Navasni qo'lga kiritishni istamoqda. "Kanonirlar" kosta-rikalik futbolchi uchun 13 mln evro to'lashga tayyor.

"Arsenal" bosh murabbiyi Unai Emeriga Navasning o'yini yoqadi. Keylorning o'zi "Qirollik klubi"da etarli o'yin amaliyotiga ega bo'lmayotgan bo'lsa-da, madridliklar uni mavsum oxirigacha jamoada qolishga ko'ndirishgandi. Bu esa posbonning Londonga ko'chib o'tishida qiyinchilikni yuzaga keltirishi mumkin.

Tibo Kurtua "Real"ga kelganidan keyin Navas asosiy tarkibdagi joyini yo'qotdi. Ushbu mavsumda Keylor bor-yo'g'i 7ta o'yinda maydonga tushdi.