"Yuventus" Tyuramni o'z safiga qo'shib olishda yaqin turibdi

Turinning "Yuventus" klubi Frantsiya chempionatidan yarim himoyachini o'z safiga qo'shib olishiga bir qadam qoldi.

Jurnalist Nikolo Skiraning ma'lumotlariga ko'ra, "keksa sinora" "Nitstsa"dan Kefren Tyuramni sotib olishga yaqin turibdi.

Eslatib o'tamiz, kelishuv "Yuventus"ga taxminan 18 million evroga tushadi. Tyuramning shartnomasi bir yildan keyin tugaydi, shu bois frantsuz klubi bir yil avval taxminan 50-60 million evro talab qilgan futbolchisiga chegirma qilishga rozi bo'ldi.