"Chelsi" "Lester" futbolchisiga taklif yubordi

Kirnan Dyuzberi-Xoll "Chelsi"dan taklif oldi.

"Chelsi" 25 yoshli yarim himoyachi uchun "Lester"ga taklif yubordi.

Agar klublar kelishuvga erishsa, Kirnan Dyuzberi-Xoll "Chelsi" bilan uzoq muddatli shartnoma imzolashi kutilmoqda.

Shuningdek, futbolchining "Brayton"ga o'tishdan bosh tortgani xabar qilingan. Futbolchi yo "Chelsi"ga o'tadi yoki 2027 yilgacha shartnomasi bor "Lester"da qoladi.

Kirnan Dyuzberi-Xoll "Lester"da "Chelsi"ning yangi bosh murabbiyi Entso Mareska qo'l ostida o'ynagan.

O'tgan mavsumda yarim himoyachi chempionatda 44 ta o'yin o'tkazib, 12 ta gol urdi va 14 ta golli uzatmani amalga oshirdi.