Mourino "Fenerbaxche"ning taniqli futbolchisini qo'yib yuborishga ruxsat berdi

"Fenerbaxche" bosh murabbiyi Joze Mourino mashhur futbolchining klubdan ketishini ma'qulladi. Gap hujumchi Edin Jeko haqida ketmoqda.

Fotospor nashri xabariga ko'ra, 38 yoshli Jeko Mourino bilan uchrashib, "Xayduk"ga o'tishni so'ragan. Tajribali futbolchi vatani Bosniya va Gertsegovinaga yaqinroq o'ynamoqchi. Mourino unga yashil chiroq yoqdi. Edin Jeko o'tgan yozdan beri "Fenerbaxche"da o'ynab kelayotgandi.

O'shandan beri bosniyalik futbolchi jamoa safida 46 ta rasmiy o'yin o'tkazib, 25 ta gol urgan va sheriklariga 10 ta golli uzatma bergan.

Eslatib o'tamiz, Transfermarkt portali Edin Jekoni 2,7 million evroga baholagan.