"MYu" futbolchisi faoliyatini Frantsiya chempionatida davom ettirishi mumkin

"Manchester Yunayted" hujumchisi Meyson Grinvud faoliyatini Frantsiya chempionatida davom ettirishi mumkin.

Jurnalist Santi Una xabariga ko'ra, "Marsel" angliyalik futbolchining xizmatlariga qiziqish bildirmoqda. Manba bergan xabarga ko'ra, so'nggi kunlarda provansliklar "Manchester Yunayted" rahbariyati bilan ehtimoliy transfer haqida gaplashishgan. Frantsiya klubining niyati qanchalik jiddiy ekanligi hozircha ma'lum emas.

Eslatib o'tamiz, o'tgan mavsumda Grinvud Ispaniyaning "Xetafe" klubida ijara asosida o'ynagan va chempionatda 8 ta gol va 6 ta golli uzatmani amalga oshirgan. Avvalroq, 22 yoshli futbolchiga Turinning "Yuventus" va "Atletiko" klublari ham qiziqish bildirayotgan edi.