Belotti A Seriyaning debyutanti safiga o'tmoqda

A Seriyaning yangi klubi "Komo" Rim klubi hujumchisi Andrea Belotti transferi bo'yicha "Roma" bilan kelishib oldi, deya xabar beradi insayder Nikolo Skira.

Manbaga ko'ra, kelishuv allaqachon tuzilgan. Transfer summasi 5 million evro + bonuslar bo'ladi.

"Komo" 30 yoshli italiyalik futbolchi bilan 2026 yilning iyunigacha shartnoma imzolaydi.

Belotti o'tgan mavsumda 46 ta o'yinda maydonga tushib, 10 ta gol urdi va 3 ta golli uzatmani amalga oshirdi. Yanvar oyidan boshlab u "Fiorentina"da ijara asosida o'ynadi.

"Komo" 2002/03 yilgi mavsumdan beri birinchi marta A Seriyaga yo'llanma oldi. Jamoa bosh murabbiyi ispaniyalik sobiq yarim himoyachi Sesk Fabregas.