"Liverpul" Ispaniyaga qarshi o'yinda avtogol muallifi bo'lgan Italiya himoyachisiga ko'z tikmoqda

Italiya terma jamoasi himoyachisi Rikkardo Kalafori faoliyatini Angliyada davom ettirishi mumkin.

Corriere di Bologna nashri xabariga ko'ra, 22 yoshli futbolchi uchun so'nggi paytlarda "Liverpul" tomonidan muzokaralar tezlashtirilgan.

"Bolonya" Kalaforini 25 million evroga sotishi mumkin. Shu bilan birga, Evropa chempionatidan so'ng narxlar oshishi mumkinligi taxmin qilinmoqda.

Rikkardo Kalafori o'tgan yozdan beri "Bolonya"da o'ynab kelmoqda. Ushbu klub safida 33 ta rasmiy o'yinda himoyachi ikkita gol va beshta golli uzatmani amalga oshirgan.