"MYu" himoyachisi Turkiya chempionatiga o'tishga yaqin turibdi

"Manchester Yunayted"ning o'ng qanot himoyachisi boshqa chempionatga ketishga yaqin turibdi.

Be In Sports Turkey nashri xabariga ko'ra, Aaron Uan-Bissaka tez orada "Galatasaroy"ning yangi futbolchisiga aylanishi kerak. Angliyalik futbolchi turk klubi bilan 4 yillik shartnoma imzolashi kutilmoqda.

"Manchester Yunayted" va "Galatasaroy" shartnomaning yakuniy tafsilotlari bo'yicha kelishib olishdi. "Manchester Yunayted" ushbu transfer oynasida Uan-Bissaka o'rniga yangi o'ng qanot himoyachisini sotib olmoqchi.

Bosh murabbiy Erik ten Xag anchadan beri rahbariyatdan ushbu o'rin uchun futbolchi so'ragan.

Eslatib o'tamiz, 2019 yilda "Manchester Yunayted" Uan-Bisaka uchun 55 million evro to'lagan edi.