TsSKA posboni "Atletiko"ga o'tishi mumkin

Moskvaning TsSKA klubi darvozaboni Ilya Pomazun Madridning “Atletiko” klubiga o'tishi mumkin. Bu haqda jurnalist Tibo Veziryan xabar bermoqda.

Manbaga ko'ra, "matraschilar" 27 yoshli futbolchini ijaraga olish bo'yicha kelishuvni yakunlash arafasida. Ta'kidlanishicha, "Atletiko" Pomazunni Yan Oblak o'rniga ikkinchi darvozabon sifatida o'z safiga qo'shib olmoqchi.

Pomazun so'nggi to'rt mavsumni “Ural”da ijara asosida o'tkazdi. O'tgan mavsumda u barcha turnirlarda 34 ta o'yinda qatnashib, 50 ta gol o'tkazib yubordi va 8 marta o'z darvozasi daxlsizligini saqlab qola oldi.

Pomazunning TsSKA bilan amaldagi shartnomasi 2028 yilgacha mo'ljallangan. Transfermarkt portali futbolchining narxini ikki million evroga baholamoqda.