"Atletiko"ning 20 million evrolik taklifi "Chelsi" tomonidan rad etildi

Konor Gallaxer "Atletiko Madrid"ga o'tishi mumkin.

AS nashri xabariga ko'ra, Madrid klubi yarim himoyachining ehtimoliy transferi bo'yicha allaqachon "Chelsi" bilan bog'langan va 20 million evroga teng bo'lgan ilk norasmiy taklifni bildirgan, biroq rad etilgan.

"Ko'klar" 24 yoshli futbolchini sotishga tayyor, biroq 50 million evro atrofida daromad olishni kutmoqda. Bu miqdor "matraschilar" uchun juda katta, biroq muzokaralar biroz vaqtdan keyin davom etishi kutilmoqda.

Angliyalik futbolchini "Atletiko"ning sport rahbariyati ham, bosh murabbiyi Diego Simeone ham yaxshi ko'rishadi. Gallaxer keyingi o'n yil ichida natija bera oladigan futbolchi sifatida ko'riladi.

Qayd etilishicha, madridliklar yozda tarkibda katta o'zgarishlarni amalga oshirishni rejalashtirmoqda. Klub yarim himoyachining transferidan tashqari ikki nafar markaziy himoyachi va bir hujumchini ham sotib olmoqchi.