London klubi "Vulverxempton" himoyachisiga ko'z tikmoqda

"Vulverxempton" himoyachisi Maks Kilman klubiini o'zgartirishi mumkin. Insayder Fabritsio Romanoning so'zlariga ko'ra, "Vest Xem" 27 yoshli himoyachiga qiziqish bildirmoqda.

Xabarlarga ko'ra, himoyachi "bolg'achilar"ning yangi bosh murabbiyi Xulen Lopetegi tomonidan yuqori baholangan. Manbaning ta'kidlashicha, "bo'rilar" Kilmanni saqlab qolmoqchi, shuning uchun "Vest Xem"ga oson bo'lmaydi. Ayni damda tomonlar muzokaralar olib bormoqda, deya qayd etadi Romano.

Oldinroq "bo'rilar" 50 million evrolik taklifni ko'rib chiqishga tayyor ekani xabar qilingandi. 2023/24 yilgi mavsumda Kilman barcha musobaqalarda 44 ta o'yinda maydonga tushib, ikkita gol urdi va bitta golli uzatmani amalga oshirdi.