"Liverpul" ham Olmo uchun kurashga qo'shildi

"Leyptsig"ning hujumkor yarim himoyachisi Dani Olmo joriy transfer oynasida klubini o'zgartirishi mumkin.

26 yoshli futbolchi uchun "Bavariya", "Manchester Siti" va "PSJ" klublari da'vogarlik qilayotgani avvalroq xabar qilingandi.

Mundo Deportivo nashri xabariga ko'ra, "Liverpul" Olmoga qiziqish bildirmoqda va futbolchi uchun kurashga qo'shilishi mumkin. Manbaga ko'ra, "qizillar" ispaniyalik yarim himoyachini sotib olish uchun deyarli 60 million evro ajratishga tayyor.

Oxirgi mavsumda Olmo barcha turnirlarni hisobga olgan holda 25 ta o'yinda qatnashib, 8 marta raqib darvozasiga aniq zarba yo'lladi va 5 ta golli uzatmani amalga oshirdi.