"Atalanta" "Milan" futbolchisini to'liq sotib olganini rasman e'lon qildi

"Atalanta" o'tgan mavsumda ijara asosida jamoada o'ynagan yarim himoyachi Sharl de Ketelareni "Milan"dan to'liq sotib olganini rasman e'lon qildi. Transfer summasi 26 million evroni tashkil qildi.

Eslatib o'tamiz, de Ketelare o'tgan mavsumda "Atalanta"ning asosiy o'yinchilaridan biri bo'ldi. 23 yoshli belgiyalik futbolchi Italiya A Seriyasida mavsumni 10 ta gol va 8 ta golli uzatma bilan yakunlab, “Atalanta”ni to'rtinchi o'rinda yakunlashiga yordam berdi.

Shuningdek, De Ketelare jamoasiga Evropa ligasida g'olib chiqish va Italiya kubogi finaliga chiqishda yordam berdi. Eslatib o'tamiz, ikki yil avval “Milan” Sharlning transferi uchun Belgiyaning “Bryugge” klubiga 37 million evro to'lagan edi.