Rasman! "Bavariya" yaponiyalik futbolchining transferini e'lon qildi (foto)

Yaponiyalik markaziy himoyachi Xiroki Ito “Shtutgart”dan “Bavariya”ga o'tdi. Bu haqda myunxenliklar klubi matbuot xizmati xabar berdi. Futbolchi bilan shartnoma 2028 yilgacha mo'ljallangan.

Transfermarkt portali ma'lumotlariga ko'ra, transfer qiymati 30 million evroni tashkil qilgan. O'tgan mavsumda Ito barcha musobaqalarda 29 ta o'yinda maydonga tushib, 2 ta golli uzatmani amalga oshirgan.

Eslatib o'tamiz, o'tgan mavsum yakuniga ko'ra, “Bavariya” 72 ochko jamg'arib, Germaniya chempionati turnir jadvalida uchinchi o'rinni egallagandi. “Shtutgart” esa yana bir ochko ko'p jamg'arib, ikkinchi o'rin bo'ldi.