Olise uchun "Bavariya" ham kurashga qo'shildi

"Kristal Pelas" vingeri Maykl Olise yozda klubini o'zgartirishi mumkin.

The Athletic nashri xabariga ko'ra, "Nyukasl", "Bavariya" va "Chelsi" London klubi bilan bog'lanishgan. Ularning barchasi 22 yoshli Olisega qiziqish bildirishdi va futbolchining vakillari bilan muzokara o'tkazishga ruxsat so'rashdi.

2023/2024 yilgi mavsumda Maykl Olise 19 ta o'yin o'tkazib, o'nta gol urdi va sheriklariga oltita golli uzatma berdi.

Transfermarkt portali futbolchini 55 million evroga baholamoqda. Avvalroq, matbuotda "Chelsi" Oliseni yozdagi asosiy transfer maqsadi deb bilishi haqida ma'lumot paydo bo'lgan edi.