"Milan" "Yuventus" futbolchisini o'z safiga qo'shib olmoqchi

Frantsiyalik yarim himoyachi Adrien Rabo yozgi transfer oynasida “Yuventus”ni tark etishi mumkin. Futbolchi Italiyaning boshqa top-klubida o'ynash imkoniyatiga ega, deya xabar beradi Corriere dello sport nashri.

"Milan" rahbariyati 29 yoshli futbolchini sotib olishga qiziqish bildirmoqda. "Rossonerilar" Adrienning nomzodini jamoa yarim himoyasini kuchaytirish sifatida ko'rib chiqmoqda. Raboning yuqori maosh talabi o'tishga to'sqinlik qilishi mumkin.

Yarim himoyachi yillik 7,5-8 million evro maosh ishlab olmoqchi. O'tgan mavsumda Rabo A Seriyada 31 ta o'yin o'tkazib, 5 ta gol urdi va 3 ta golli uzatmani amalga oshirdi.