Mourino APL klubi hujumchisini o'z jamoasiga taklif qilmoqchi

Joze Mourino yaqinda "Fenerbaxche" bosh murabbiyi lavozimini egalladi. Endi turk klubi o'z tarkibini kuchaytirish ustida ishlamoqda.

The Sun nashri xabariga ko'ra, Mourino hujumchini "Luton Taun"dan olmoqchi. Bu futbolchi 26 yoshli Elaydja Adebayo.

Elaydja Adebayo Angliya chempionatining 2023/2024 yilgi mavsumida 27 ta o'yinda 10 ta gol urgan. Transfermarkt portali futbolchini 12 million evroga baholamoqda.

Eslatib o'tamiz, Elaydja Adebayo 2021 yilning fevralidan beri "Luton Taun"da o'ynab kelmoqda. Bu forvard "Fulxem" akademiyasi tarbiyalanuvchisi hisoblanadi.