"Jirona" ikkita transferni rasmiylashtirishga yaqin turibdi

"Jirona" ikki nafar yangi futbolchini sotib olishga yaqin turibdi, deya xabar beradi insayder Fabritsio Romano.

Gap Montevideoning "Liverpul" klubi vingeri Lusiano Rodriges va "Sparta Praga" markaziy himoyachisi Ladislav Kreychi haqida ketmoqda. Shu bilan birga, boshqa klub “Jirona”dan Kreychini "ilib" ketishga urindi, biroq futbolchining o'zi La Liga bronza medali sohiblariga o'tishni maqsad qilgan.

Oldinroq "Jirona" Rodrigesning 70 foiz huquqlari uchun 15 million evro to'lashi haqida xabarlar tarqalgan edi. Joriy mavsumda Lusiano “Liverpul” (Montevideo) safida 19 ta o'yinda 7 ta gol urdi.

Kreychi joriy mavsumda “Sparta Praga” safida 35 ta o'yinda maydonga tushib, 10 ta gol urdi va 6 ta golli uzatmani amalga oshirdi.