"Atletik" futbolchisi faqat "Barselona"ga o'tishini bildirdi

"Atletik" Bilbao hujumchisi Niko Uilyams faoliyatini davom ettirish uchun faqat bitta variantni o'ylaydi. Sport nashri xabariga ko'ra, yosh futbolchi faqat "Barselona"ga o'tish niyatida.

Qayd etilishicha, agar “ko'k-anorranglilar” ushbu transfer oynasida kelishuvni yakunlay olmasa, Uilyams yana bir yil “Atletik Bilbao”da qoladi va “Barselona”dan taklif kutadi.

Uilyamsga Angliya Premer-ligasi klublari ham qiziqish bildirayotgani avvalroq xabar qilingandi. 21 yoshli vinger Ispaniya chempionatining so'nggi mavsumida 5 ta gol urdi va 11 ta golli uzatmani amalga oshirdi. Nikoning shartnomasida tovon puli taxminan 60 million evroni tashkil qiladi.