"Liverpul" Alissonning o'rniga gruziyalik darvozabonni olib kelmoqchi

"Valensiya"da o'ynayotgan gruziyalik darvozabon Giorgi Mamardashvili faoliyatini Angliya Premer-ligasining top-klubida davom ettirishi mumkin. Bu haqda Todofichajes portali xabar berdi.

Manbaning yozishicha, 23 yoshli darvozabon xizmatlariga "Liverpul" qiziqish bildirmoqda. "Mersisaydliklar" Alisson Bekker bilan xayrlashgan taqdirda Giorgining nomzodini ko'rib chiqadi.

Braziliyalik darvozabon "qizillar"ni tark etib, Saudiya klublaridan biriga o'tishi mumkin. Mamardashvilining bozor qiymati 35 million evroga baholanmoqda. Gruziyalik posbon va "ko'rshapalaklar" o'rtasidagi shartnoma 2027 yilning iyun oyi oxirida tugaydi.