"Yuventus" posboni "An-Nasr" bilan kelishuvga erishdi

Turinning "Yuventus" klubining polshalik darvozaboni Voytsex Shesni faoliyatini Saudiya Arabistonida davom ettiradi.

The Athletic xabariga ko'ra, futbolchi "An-Nasr" bilan ikki yilga mo'ljallangan shartnoma borasida kelishib olgan va uning maoshi yiliga 19 million evroni tashkil qiladi.

Klublar darvozabonning transferi borasida ham printsipial kelishuvga erishgan. Kelishuv shu hafta yakunlanishi kutilmoqda.

U 2017 yilning yozidan buyon Turinning "Yuventus" klubida o'ynab kelmoqda. O'shandan beri darvozabon 252 ta rasmiy o'yinda qatnashib, 233 ta gol o'tkazib yuborgan. Transfermarkt portali polshalik darvozabonni olti million evroga baholamoqda.