Armanistonlik futbolchi Shomurodovning sobiq jamoasiga o'tishi mumkin

Italiya A Seriyasining o'rtamiyona jamoasi "Jenoa" "Krasnodar" va Armaniston terma jamoasi yarim himoyachisi Eduard Spertsyan bilan o'z tarkibini kuchaytirishi mumkin. Bu haqda "Sport Ekspress" nashri xabar bermoqda.

Manbaga ko'ra, Eduardning maydondagi pozitsiyasi bu yozda genuyaliklarni kuchaytirish uchun ustuvor yo'nalishlardan biri hisoblanadi. Biroq “Jenoa” vakillari hali yosh futbolchi borasida “Krasnodar”ga murojaat qilishmagan.

Eslatib o'tamiz, avvalroq A Seriyaning boshqa bir klubi "Latsio" ham Eduardni sotib olish variantini ko'rib chiqdi, biroq keyinroq klub bu transferdan bosh tortgani haqida xabar paydo bo'ldi. "Jenoa" mavsumni A Seriya jadvalida 11-o'rinda yakunladi, klub 49 ochko to'pladi.