"Yuventus" Berardini o'z safiga qo'shib olishga harakat qiladi

"Sassuolo" hujumchisi Domeniko Berardi yozgi transfer oynasida klubini o'zgartirishi mumkin.

Gazzetta.it nashri xabariga ko'ra, Turinning “Yuventus” klubi futbolchining xizmatlariga qiziqish bildirmoqda. U 2016 yilda Turinga yo'l olishi mumkin edi, biroq keyinchalik kelishuv barbod bo'lgandi.

Eslatib o'tamiz, mart oyi boshida futbolchi jarohat olgan va mavsumning qolgan qismida safdan chiqqani ma'lum bo'lgandi. Shu boisdan futbolchi 2024 yilgi Evropa chempionatida Italiya terma jamoasiga yordam bermaydi.

Joriy mavsumda Berardi 17 uchrashuvda 9 ta gol urdi va 3 ta golli uzatmani amalga oshirdi. Eslatib o'tamiz, “Sassuolo” Italiya chempionatining so'nggi mavsumi yakunida so'nggi o'rinni egallab, A Seriyadan tushib ketgan edi.