"Atletiko" shvetsiyalik hujumchi uchun kurashni boshladi

"Sporting"ning 25 yoshli hujumchisi Viktor Dëkeresh "Atletiko Madrid"ga o'tishi mumkin, deb xabar bermoqda A BOLA internet nashri.

Manbaga ko'ra, "matraschilar" shvetsiyalik futbolchini ushbu transfer oynasida sotib olishlari mumkin. Taxminlarga ko'ra, Dëkeresh uchun "Atletiko" bosh murabbiyi Diego Simeonening shaxsan o'zi futbolchining transferiga qiziqish bildirmoqda.

Joriy mavsumda Dëkeresh klub safida barcha turnirlarda 50 ta o'yin o'tkazib, 42 ta gol urdi, 15 ta golli uzatmani amalga oshirdi va Portugaliya chempionatining eng yaxshi to'purariga aylandi. Uning "Sporting" bilan shartnomasi 2028 yilning yoziga qadar mo'ljallangan. Transfermarkt portali ma'lumotlariga ko'ra, futbolchining taxminiy narxi 55 million evroni tashkil qiladi, 2023 yilning yozida Portugaliya klubi shvetsiyalik futbolchini "Koventri"dan 21 million evro evaziga sotib olgandi.