"Latsio" Rossiya klubi futbolchisiga qiziqish bildirmoqda

"Latsio" Rossiyaning "Krasnodar" klubi futbolchisi Eduard Spertsyanga qiziqish bildirmoqda.

Transfermarkt portali xabariga ko'ra, Rim klubi yarim himoyachini Daiti Kamadaning o'rnini bosuvchi futbolchi sifatida ko'rmoqda.

Spertsyan o'tgan qishda ham "Latsio" qiziqish doirasiga tushgandi.

O'tgan mavsumda Kamada "Latsio" tarkibida 29 ta o'yinda maydonga tushib, 2 ta gol urdi va 2 ta golli uzatmani amalga oshirdi. Spertsyan "Krasnodar" safida RPLda 29 o'yinda 11 gol va 3 golga assistentlik qilgan.