Kvaratsxeliya "PSJ"ga o'tishga tayyor

"Napoli" vingeri Xvicha Kvaratsxeliya "PSJ"ga o'tishga rozi bo'ldi, ammo transferning amalga oshishi hali ham qiyin ko'rinmoqda.

Il Corriere dello Sport nashri xabariga ko'ra, ko'p narsa o'z futbolchisini qo'yib yuborishni istamagan "Napoli"ning pozitsiyasiga bog'liq bo'ladi.

Qayd etilishicha, Kvaratsxeliya "PSJ"ga o'tishga tayyor va buni o'z faoliyatini rivojlantirish uchun ajoyib imkoniyat deb hisoblamoqda. Biroq parijliklarga kelishuvni amalga oshirish qiyin bo'ladi. "Napoli" katta ehtimol bilan gruziyalik futbolchi uchun 100 million evrodan ortiq tovon puli talab qiladi.

23 yoshli Xvicha Italiya chempionatining so'nggi mavsumida 11 ta gol urdi va 6 ta golli uzatmani amalga oshirdi. 2023 yilda Kvaratsxeliya "Napoli" bilan A Seriya g'olibi bo'ldi.