"MYu" yarim himoyachisi Niderlandiyaga yo'l olishi mumkin

"Manchester Yunayted"da o'ynayotgan daniyalik yarim himoyachi Kristian Eriksen yozgi transfer oynasida klubini o'zgartirishi mumkin.

The Sun nashrining yozishicha, futbolchida Niderlandiya chempionatida o'ynash imkoniyati bor. "Ayaks" klubi Kristianning faoliyatini davom ettirish uchun potentsial joy deb atalmoqda.

Eriksen avvalroq 2010 yildan 2013 yilgacha ushbu klubda o'ynagan. Angliya Premer-ligasida o'tgan mavsumda 32 yoshli yarim himoyachi "qizil iblislar" safida 22 ta o'yinda maydonga tushdi. Kristian bitta gol va ikkita golli uzatmani amalga oshirdi.