Arteta "MYu" hujumchisini "Arsenal"ga olib kelmoqchi

"Arsenal" bosh murabbiyi Mikel Arteta "Manchester Yunayted" futbolchilaridan biriga qiziqmoqda. Ispaniyalik mutaxassis bor e'tiborini “qizil iblislar” hujumchisi Markus Reshfordga qaratmoqda.

Britaniya matbuoti xabariga ko'ra, Arteta forvard bilan bog'lanib, u bilan "kanonirlar" safiga o'tish borasida ehtimoliy transferni muhokama qilgan. "Mankunianliklar" o'z navbatida futbolchini raqibga sotishni istashmayapti. Markusning "mankunianliklar" bilan shartnomasi 2028 yilning o'rtalariga qadar tuzilgan.

Transfermarkt portali hujumchining narxini 60 million evroga baholamoqda. O'tgan mavsumda Premer-ligada Reshford 33 ta o'yinda maydonga tushib, 7 ta gol urdi va 2 ta golli uzatmani amalga oshirdi.