Kichik Mbappe yangi jamoasi bilan kelishuvga erishdi

Kilian Mbappening ukasi yarim himoyachi Etan Mbappe ham yozgi transfer oynasida "PSJ"ni tark etadi.

Foot Mercato nashrining xabariga ko'ra, 17 yoshli Mbappe "Lill"ga o'tish bo'yicha og'zaki kelishuvga erishgan. Klub allaqachon kichik Mbappeni tibbiy ko'rikdan o'tkazishni rejalashtirgan.

Etan Mbappe shu yozda tekinga imzolanishi mumkin, chunki uning "PSJ" bilan amaldagi shartnomasi tugaydi.

Eslatib o'tamiz, "Lill" Frantsiya chempionati turnir jadvalida to'rtinchi o'rinni egallab turibdi. Jamoa Chempionlar ligasi saralashiga yo'llanma oldi.