"Manchester Siti" o'z safiga portugaliyalik futbolchini qo'shib olmoqchi

"Manchester Siti" yozgi transfer oynasida o'z tarkibini kuchaytirishni rejalashtirmoqda.

The Telegraph nashri xabariga ko'ra, "shaharliklar"ning maqsadi "Vulverxempton" vingeri Pedru Netu. "Nyukasl" ham bu futbolchini o'z safida ko'rmoqchi. Netuning potentsial transferidagi to'siq - uning narxi bo'lishi mumkin. "Vulverxempton" 24 yoshli portugaliyalik futbolchi uchun kamida 60 million funt (taxminan 70 million evro) olmoqchi. Ya'ni Pedroning transferi "bo'rilar" tarixidagi eng qimmat transferga aylanishi mumkin.

2023/2024 yilgi mavsumda Pedru Netu "Vulverxempton" tarkibida 24 ta o'yin o'tkazgan. Ularda vinger 3 ta gol urdi va 11 ta golli uzatmani amalga oshirdi.