"Milan" futbolchisi "Bavariya"ga ko'chib o'tishga rozilik berdi

Himoyachi Teo Ernandes yozgi transfer oynasida "Bavariya"ga o'tishga rozi bo'ldi. Bu haqda Mundo Deportivo xabar bermoqda. Endi futbolchidan "ha" degan javobni eshitgan "Bavariya" Ernandesning transferi borasida "Milan" bilan muzokara olib boradi.

Ernandesning Myunxenga o'tishi Madridning "Real" klubi "Bavariya" himoyachisi Alfonso Devis bilan muzokara olib borishini osonlashtirib, "Real"ga yordam berishi mumkin.

Teo Ernandes 26 yoshda, Transfermarkt portali frantsiyalik futbolchini 60 million evroga baholamoqda. 2023/2024 yilgi mavsumda Ernandes 44 ta o'yin o'tkazib, 5 ta gol urdi va sheriklariga 10 ta golli uzatma berdi.