"MYu" uchta futbolchisini aniq sotmaydi, qolganlar bo'yicha takliflarni ko'rib chiqishga tayyor

"Manchester Yunayted" Chempionlar ligasiga chiqa olmadi, bu esa klubga nafaqat sport, balki moliyaviy tomondan ham zarar keltirdi.

Shu sababli, "qizil iblislar" kelayotgan yozda futbolchilarni faol ravishda sotishi mumkin.

The Telegraph nashri xabariga ko'ra, "mankunianliklar" aksariyat futbolchilar bo'yicha takliflarni ko'rib chiqishga tayyor. "Manchester Yunayted" moslashuvchan yondashuvni qo'llashga tayyor. Masalan, klub Markus Reshfordni sotmoqchi emas, ammo hujumchi bo'yicha qulay taklif tushsa, uni ko'rib chiqishga tayyor.

Qayd etilishicha, "Manchester Yunayted"ning daxlsiz futbolchilari ro'yxatida uchta futbolchi bor - Kobbi Maynu, Alexandro Garnacho va Rasmus Xoylund.