"Ayntraxt" "PSJ" futbolchisini to'liq sotib oldi

Frankfurtning "Ayntraxt" klubi "PSJ" hujumchisi Yugo Ekitikani sotib olish imkoniyatini faollashtirdi.

21 yoshli frantsiyalik futbolchi bilan 2029 yilgacha to'liq shartnoma imzolangan.

Insayder Fabritsio Romanoning fikricha, transfer summasi 16,5 million evroni tashkil qilgan. Avvalroq parijliklar ijara uchun 3,5 million evro olishgan va futbolchining kelajakdagi sotuvidan ham ma'lum foizga ega bo'lishadi.

Futbolchi fevral oyi boshida ijaraga olingandi. Bu vaqt ichida u 12 uchrashuvda 1 ta gol urdi va 1 ta golli uzatmani amalga oshirdi.