"Arsenal" Fofanaga qiziqish bildirmoqda

"Arsenal" yozgi transfer oynasida o'z tarkibini kuchaytirish imkoniyatlarini o'rganmoqda.

Foot Mercato nashri xabariga ko'ra, London klubi "Monako" futbolchisi Yusuf Fofanani kuzatib bormoqda. Frantsiya terma jamoasi futbolchisining amaldagi shartnomasi 2025 yilning o'rtalariga qadar tuzilgan.

Agar "Monako" futbolchini shu yozda sotmasa, uni bir yildan keyin tekinga yo'qotish xavfi bor. 2023/2024 yilgi mavsumda Fofana 31 ta o'yin o'tkazib, o'z hisobiga 3 ta gol hamda 3 ta golli uzatma yozdirib qo'ydi.

Transfermarkt portali futbolchini 28 million evroga baholamoqda.