Belarus chempionatidagi o'ynayotgan yana bir himoyachi "Lans"ga o'tishi mumkin

Foot Mercato nashri xabariga ko'ra, BATE himoyachisi Sidi Bane hamyurtimiz Abduqodir Husanov o'ynayotgan Frantsiyaning "Lans" klubiga o'tishi mumkin.

"Yana bir yosh va istiqbolli himoyachi ham "Lans" bilan shartnoma imzolashga yaqin turibdi. Belorussiyaning BATE jamoasida o'ynayotgan senegallik 20 yoshli markaziy himoyachi Sidi Bane "Lans"ning e'tiboriga tushdi va klubga o'tishga yaqin turibdi, bu haqda bizga klubga yaqin manba xabar berdi" - deyiladi nashr bayonotida.

Joriy mavsumda 20 yoshli senegallik himoyachi BATE tarkibida to'rtta o'yin o'tkazdi.

"Lans" Frantsiya chempionati turnir jadvalida 6-o'rinda bormoqda.

O'tgan yili Abduqodir Husanov bu jamoaga "Energetika-BGU" klubidan ko'chib o'tgandi.