"Barselona" himoyachisi Madrid klubiga yo'l olishi mumkin

Kataloniyaning "Barselona" klubi himoyachisi Inigo Martines faoliyatini Ispaniyaning boshqa klubida davom ettirishi mumkin.

Todofichajes nashri xabariga ko'ra, "Atletiko Madrid" 32 yoshli futbolchini o'z safiga qo'shib olmoqchi. "Matraschilar" Martinesni yozgi transfer oynasida klubini o'zgartirishga yaqin bo'lgan Mario Ermosoning o'rniga nomzod sifatida ko'rib chiqmoqda.

Inigoning "ko'k-anorranglilar" bilan shartnomasi 2025 yilning yoziga qadar mo'ljallangan, uning bozor narxi olti million evroga baholanmoqda.

Ispaniya chempionatining ushbu mavsumida himoyachi "Barselona" safida 15 ta o'yin o'tkazib, 5 ta sariq kartochka oldi.