"Bayer" futbolchisini Evropaning bir qator klublari kuzatmoqda

Leverkuzenning "Bayer" klubi joriy mavsum oxirida himoyachi Edmond Tapsoba bilan xayrlashishi mumkin. Bu haqda insayder Fabritsio Romano ijtimoiy tarmoqlari orqali xabar berdi.

Jurnalistning so'zlariga ko'ra, bugun bo'lib o'tadigan "dorishunoslar" va Dortmundning "Borussiya" o'rtasidagi o'yinda Evropaning bir qancha klublaridan skautlar ishtirok etishadi. Ular Tapsobaning o'yinini ko'rib chiqmoqchi.

O'tgan yozda Tapsoba xizmatlariga "Manchester Yunayted" va Londonning "Tottenxem" klublari qiziqish bildirgandi. Germaniya chempionatining joriy mavsumida 25 yoshli futbolchi 23 ta o'yinda maydonga tushib, bitta golli uzatmani amalga oshirdi va to'rtta sariq kartochka oldi.