"Napoli" yangi hujumchi bilan kelishuvga erishdi

"Lill" hujumchisi Jonatan Devid 2023/24 yilgi mavsum yakunida frantsuz klubini tark etishga yaqin turibdi.

Football Italia nashri xabariga ko'ra, 24 yoshli kanadalik futbolchi "Napoli" a'zosi bo'lishga rozi bo'lgan.

Neapolliklar forvard vakillari bilan uning shaxsiy shartnomasi shartlarini kelishib olishdi. Futbolchining kelishuvi besh yilga mo'ljallangan bo'lib, maoshi esa mavsumiga taxminan 3 million evroni tashkil qiladi.

Aytgancha, Devid 2020 yilning avgustidan buyon "Lill"da o'ynab kelmoqda. U klub safida jami 177 ta o'yin o'tkazib, 81 ta gol urgan va 16 ta golli uzatmani amalga oshirgan. Transfermarkt portali hujumchining narxini 50 million evroga baholamoqda.