"Tottenxem" ukrainalik futbolchini o'z safiga qo'shib olmoqchi

Yozgi transfer oynasi ochilishiga oz fursat qoldi va “Tottenxem” o'z tarkibini qanday kuchaytirish haqida o'ylamoqda.

Transfer News Live nashrining xabar berishicha, "shporlar" "Shaxtyor" yarim himoyachisi Georgiy Sudakovni sotib olishga jiddiy kirishmoqda. Shu bilan birga, 21 yoshli Sudakovning transferi qimmatga tushishi qayd etilgan, chunki, "Shaxtyor" o'z tarbiyalanuvchisi uchun kamida 70 million evro olmoqchi.

Aytish kerakki, jurnalistlar uzoq vaqtdan beri Sudakovga ko'plab klublar tomonidan qiziqish haqida xabar tarqatishmoqda. "Tottenxem"ning skautlari "Shaxtyor" yarim himoyachisini turli uchrashuvlarda bir necha bor kuzatishgan.